ಸೇಫ್ ಸ್ಟಾರ ನ ಶಿರಾಲಿ ಶಾಖೆ ಸ್ಥಳಾಂತರ ಹಾಗೂ ಶುಭಾರಂಭ

ನೆಲ ಮಹಡಿ, ತಿರುಮಲ ಟವರ್ಸ್, ಬರೋಡಾ ಬ್ಯಾಂಕ್ ಎದುರು, ಎಮ್.ಜಿ.ಎಮ್. ಟೆಂಪಲ್ ರೋಡ್, ಶಿರಾಲಿ, ತಾ: ಭಟ್ಕಳ, (ಉ.ಕ) ನಲ್ಲಿ ಸೇಫ್ ಸ್ಟಾರ್ ಸೌಹಾರ್ದ ಇದರ ಅಂಕೋಲಾ ಶಾಖೆಯು ಸ್ಥಳಾಂತರಗೊಂಡು ಲಕ್ಷ್ಮೀ ಪೂಜೆಯೊಂದಿಗೆ ಶುಭಾರಂಭವಾಯಿತು.

ಸೇಫ್ ಸ್ಟಾರ್ ಸೌಹಾರ್ದ ರೂ3.36 ಕೋಟಿ ಲಾಭ, ಶೇ10 ಡಿವಿಡೆಂಡ್

ಹೊನ್ನಾವರದಲ್ಲಿ ಪ್ರಧಾನ ಕಛೇರಿ ಹೊಂದಿರುವ ಸೇಫ್ ಸ್ಟಾರ್ ಸೌಹಾರ್ದ ಸಹಕಾರಿಯು 2025-26 ನೇ ಸಾಲಿನಲ್ಲಿ ರೂ3.36 ಕೋಟಿ ಲಾಭ ಗಳಿಸಿದ್ದು, ಸದಸ್ಯರಿಗೆ ಶೇ10 ಡಿವಿಡೆಂಡ್ ಘೋಷಣೆ ಮಾಡಿದೆ ಎಂದು ಅಧ್ಯಕ್ಷ ಜಿ. ಜಿ. ಶಂಕರ ತಿಳಿಸಿದರು, ದಿನಾಂಕ 30-08-2026 ರಂದು ಹೊನ್ನಾವರದ ಮೂಡಗಣಪತಿ ಸಭಾಭವನದಲ್ಲಿ ಜರುಗಿದ ಸಹಕಾರಿಯ 2025-26ನೇ ಸಾಲಿನ ಸರ್ವಸದಸ್ಯರ ಸಭೆಯನ್ನು ದೀಪ ಬೆಳಗಿಸುವದರ ಮೂಲಕ ಉದ್ಘಾಟಿಸಿ ಅಧ್ಯಕ್ಷತೆ ವಹಿಸಿ ಮಾತನಾಡಿದರು. ವರ್ಷಾಂತ್ಯಕ್ಕೆ ಶೇರು ಬಂಡವಾಳ ರೂ8.16 ಕೋಟಿ, ಠೇವಣಿ ರೂ154.85 ಕೋಟಿ, ಸಾಲಬಾಕಿ ರೂ135.76 ಕೋಟಿ, ಒಟ್ಟೂ ನಿಧಿಗಳು ರೂ15.74 ಕೋಟಿ ಹಾಗೂ ದುಡಿಯುವ ಬಂಡವಾಳ ರೂ178.76 ಕೋಟಿ ಯಷ್ಟಾಗಿದ್ದು ಶೇ91 ಸಾಲ ವಸೂಲಿಯಾಗಿದೆ ಎಂದರು. ಇದುವರೆಗೆ ಉತ್ತರಕನ್ನಡ ಜಿಲ್ಲೆಯಲ್ಲಿ 14, ಶಿವಮೊಗ್ಗ ಹಾಗೂ ಉಡುಪಿ ಜಿಲ್ಲೆಯಲ್ಲಿ ತಲಾ 2 ಒಟ್ಟೂ 18 ಶಾಖೆಗಳನ್ನು ಹೊಂದಿದ್ದು ವರ್ಷಾಂತ್ಯಕ್ಕೆ ಎಲ್ಲಾ 18 ಶಾಖೆಗಳು ಲಾಭದಲ್ಲಿರುವದು ಸಹಕಾರಿಯ ಅಭಿವೃದ್ಧಿಗೆ ಹಿಡಿದ ಕೈಗನ್ನಡಿ ಎಂದರು. ಪ್ರಸ್ತುತ ಆರ್ತಿಕ ವರ್ಷದಲ್ಲಿ ಶಿವಮೊಗ್ಗ ಜಿಲ್ಲೆಯ ರಿಪ್ಪನಪೇಟೆ, ಶಿಕಾರಿಪುರದಲ್ಲಿ ಶಾಖೆ ತೆರೆದಿದ್ದು ಮುಂದಿನ ದಿನಗಳಲ್ಲಿ ಉಡುಪಿ ಜಿಲ್ಲೆಯ ಕುಂದಾಪುರ, ಬ್ರಹ್ಮಾವರ, ಶಿವಮೊಗ್ಗ ಜಿಲ್ಲೆಯ ಅನವಟ್ಟಿ ಹಾಗೂ ಹಾವೇರಿ ಜಿಲ್ಲೆಯ ಹಿರೆಕೇರೂರಿನಲ್ಲಿ ಶಾಖೆ ಆರಂಭಿಸಲು ನಿರ್ಣಯಿಸಿದೆ ಎಂದು ತಿಳಿಸಿದರು.

ಸಹಕಾರಿಯ ಜನರಲ್ ಮೆನೇಜರ್ ಮಹೇಶ ಶೆಟ್ಟಿ ಆಗಮಿಸಿದ ಸರ್ವರನ್ನು ಸ್ವಾಗತಿಸಿದರು. ನಿರ್ದೇಶಕ ಜಿ. ಆರ್. ಹೆಗಡೆ ಪ್ರಾಸ್ತಾವಿಕ ಮಾತನಾಡಿ ಸಹಕಾರಿ ಹುಟ್ಟುಹಾಕಲು ಉದ್ದೇಶ ಹಾಗೂ ನಡೆದು ಬಂದ ದಾರಿ ಬಗ್ಗೆ ತಿಳಿಸುತ್ತ, ಅಧ್ಯಕ್ಷರ ಕನಸಿನ ಕೂಸಾದ ಜೀವನಮೌಲ್ಯ ಯೋಜನೆಯಿಂದ ಮೃತ ಸದಸ್ಯರ ನೊಂದ ಕುಟುಂಬಗಳಿಗೆ ಸಾಂತ್ವನ ಹೇಳುವ ಯೋಜನೆಯಿಂದ ವರ್ಷಾಂತ್ಯಕ್ಕೆ 30,304 ಸದಸ್ಯರು ಈ ಯೋಜನೆಗೆ ಒಳಪಟ್ಟಿದ್ದು 240 ಸದಸ್ಯರ ರೂ1.20 ಕೋಟಿ ಮರಣೋತ್ತರ ಪರಿಹಾರ ನೀಡಿದ್ದು ಅದರಲ್ಲಿ ರೂ82.84 ಲಕ್ಷ ಮೈತ ಸದಸ್ಯರ ಸಾಲಬಾಕಿಗೆ ಹಾಗೂ ರೂ37.88 ಲಕ್ಷ ಮೈತ ವಾರಸುದಾರರಿಗೆ ನೀಡಿದೆ ಎಂದರು. ಅಲ್ಲದೇ ಅಪಘಾತ ಪರಿಹಾರ ಯೋಜನೆಯಡಿ 29,995 ಸದಸ್ಯರು ಒಳಪಟ್ಟಿದ್ದು ವರ್ಷಾಂತ್ಯಕ್ಕೆ 9 ಸದಸ್ಯರ ರೂ 9 ಲಕ್ಷ ಮರಣೋತ್ತರ ಪರಿಹಾರ ನೀಡಿದ್ದು, ಅದರಲ್ಲಿ ರೂ2.22 ಲಕ್ಷ ಮೃತ ಸದಸ್ಯರ ಸಾಲಬಾಕಿಗೆ ಹಾಗೂ ರೂ6.78 ಲಕ್ಷ ಮೃತ ಸದಸ್ಯರ ವಾರಸುದಾರರಿಗೆ ನೀಡಲಾಗಿದೆ ಎಂದರು.

ಈ ಸಂದರ್ಭದಲ್ಲಿ ಭಾರತೀಯ ನೌಕಾಪಡೆಯಲ್ಲಿ ಸೇವೆ ಸಲ್ಲಿಸಿ ಹಾಲಿ ಅಬಕಾರಿ ಇಲಾಖೆಯಲ್ಲಿ ಹೊನ್ನಾವರದಲ್ಲಿ ನಿರೀಕ್ಷಕರಾಗಿ ಕರ್ತವ್ಯ ನಿರ್ವಹಿಸುತ್ತಿರುವ ಶ್ರೀ ಶ್ರೀಧರ ಹನುಮಂತ ಮಡಿವಾಳ ಅವರನ್ನು ಸನ್ಮಾನಿಸಿ ಗೌರವಿಸುವ ಕಾರ್ಯಕ್ರಮವನ್ನು ಸೀನಿಯರ್ ಮೆನೇಜರ್ ಕೇಶವ ತಾಂಡೇಲ್ ನಡೆಸಿಕೊಟ್ಟರು.

ಈ ಸಭೆಯಲ್ಲಿ 13 ಮೈತ ಸದಸ್ಯರ ವಾರಸುದಾರರಿಗೆ ರೂಪಾಯಿ 6 ಲಕ್ಷದ 83 ಸಾವಿರ ಪರಿಹಾರ ವಿತರಣೆ ಕಾರ್ಯಕ್ರಮವನ್ನು ಜೀವನಮೌಲ್ಯ ಅಧಿಕಾರಿ ಜಗದೀಶ ವೈದ್ಯ ನಡೆಸಿಕೊಟ್ಟರು. ವರದಿ ಸಾಲಿನಲ್ಲಿ ಸಾಧನೆ ಮಾಡಿದ ಸಿಬ್ಬಂದಿ, ಫೀಲ್ಡ್ ಎಕ್ಸಿಕ್ಯೂಟಿವ್, ಶಾಖೆ ಹಾಗೂ ಆಡಳಿತ ಮಂಡಳಿ ನಿರ್ದೇಶಕರಿಗೆ ಪ್ರಶಸ್ತಿ ಪತ್ರ, ನೆನಪಿನ ಕಾಣಿಕೆ ನೀಡಿ ಅಭಿನಂದಿಸುವ ಕಾರ್ಯಕ್ರಮವನ್ನು ಚೀಫ್ ಅಡ್ವೈಸರ್ ಎಡ್ವಿನ್ ರೆಬೆಲ್ಲೋ ನಡೆಸಿಕೊಟ್ಟರು. ಸಿಇಓ ಮಹೇಶ ಶೆಟ್ಟಿ 2024 25ನೇ ಸಾಲಿನ ನಡವಳಿಯನ್ನು ವಾಚಿಸಿದರು. ಸೀನಿಯರ್ ಮೆನೇಜರ್ ಜೀವನ ನಾಯ್ಕ ವಂದಿಸಿದರು.

ವೇದಿಕೆಯಲ್ಲಿ ಉಪಾಧ್ಯಕ್ಷ ನಾಗರಾಜ ಇಂದ್ರ, ನಿರ್ದೇಶಕರಾದ ಲಿಫರ್ಡ ರೋಡ್ರಿಗ್ಸ್, ಸುಬ್ರಾಯ ಭಟ್ಟ, ನರಸಿಂಹ ಪಟಗಾರ, ರಾಜೇಶ ದೇಸಾಯಿ, ಲಕ್ಷ್ಮಣ ಪಟಗಾರ, ಗೋಪಾಲಕೃಷ್ಣ ಭಟ್ಟ, ನಾಗೇಶ ದೇವಾಡಿಗ, ಪಾತ್ರೋನ್ ಫರ್ನಾಂಡಿಸ್, ಗುಣಮಾಲ ಇಂದ್ರ, ಅಡ್ವೈಸರ್ ವಸಂತ ನಾಯ್ಕ ಉಪಸ್ಥಿತರಿದ್ದರು. ಕಾರ್ಯಕ್ರಮದಲ್ಲಿ ಸಹಕಾರಿಯ ಬಿಡಿಸಿ ನಿರ್ದೇಶಕರುಗಳು, ಸಹಕಾರಿಯ ಹಿರಿಯ ಸದಸ್ಯ ರಾಷ್ಟ್ರ ಪ್ರಶಸ್ತಿ ವಿಜೇತ ನಿವೃತ್ತ ಶಿಕ್ಷಕ ಎಸ್. ಎಸ್. ಭಟ್ಟ ಹಾಗೂ ಅನೇಕ ಗಣ್ಯರು ಹಾಜರಿದ್ದು ಮಾತನಾಡಿ ಸಹಕಾರಿ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿ ಸಲಹೆ-ಸೂಚನೆಗಳನ್ನು ನೀಡಿದರು. ಜೊತೆಗೆ ಪ್ರಧಾನ ಕಛೇರಿಯ ಅಧಿಕಾರಿಗಳು, ಸಿಬ್ಬಂದಿಗಳು, ಎಲ್ಲಾ ಶಾಖಾ ವ್ಯವಸ್ಥಾಪಕರು, ಸಿಬ್ಬಂದಿಗಳು, ಫೀಲ್ಡ್ ಎಕ್ಸಿಕ್ಯೂಟಿವ್‌ಗಳು ಹಾಜರಿದ್ದರು.

ಮಂಕಿ ಶಾಖೆಯ ಸೀನಿಯರ್ ಮೆನೇಜರ್ ಜೀವನ ನಾಯ್ಕ, ಪ್ರಧಾನ ಕಛೇರಿಯ ಅಕೌಂಟೆಂಟ್ ಜಸಿಕಾ ಫರ್ನಾಂಡಿಸ್ ಅಚ್ಚುಕಟ್ಟಾಗಿ ಕಾರ್ಯಕ್ರಮ ನಿರೂಪಣೆ ಮಾಡಿದರು. ಸಹಕಾರಿಯ ಅಧಿಕಾರಿ ಹಾಗೂ ಸಿಬ್ಬಂದಿ ವರ್ಗ ಅಚ್ಚುಕಟ್ಟಾದ ವ್ಯವಸ್ಥಿತ ಸಂಘಟನೆ ಮೂಲಕ ಸಭೆ ಯಶಸ್ವಿಯಾಗಲು ಕಾರಣೀಭೂತರಾದರು.

ಸೇವೆಯಲ್ಲೂ ಮುಂಚೂಣಿ: ಸೇಫ್ ಸ್ಟಾರ್‌ನಿಂದ 80ನೇ ಸ್ವಾತಂತ್ರ್ಯೋತ್ಸವ ಆಚರಣೆ

80ನೇ ವರ್ಷದ ಸ್ವಾತಂತ್ರೋತ್ಸವ ಸಂಭ್ರಮವನ್ನು ಸಂಸ್ಥೆಯ ಮಾನ್ಯ ಅಧ್ಯಕ್ಷರಾದ ಜಿ.ಜಿ ಶಂಕರ ಅವರು ಧ್ವಜಾರೋಹಣ ಮತ್ತು ಭಾರತಾಂಬೆಗೆ ಪುಷ್ಪಾರ್ಚನೆ ಮಾಡುವ ಮೂಲಕ ಸೇಫ್ ಸ್ಟಾರ್ ಸೌಹಾರ್ದ ಸಹಕಾರಿ ಸಂಘ ನಿಯಮಿತ ಪ್ರಧಾನ ಕಛೇರಿ ಹಾಗೂ ಹೊನ್ನಾವರ ಶಾಖೆಯಲ್ಲಿ ವಿಜೃಂಭಣೆಯಿಂದ ಆಚರಿಸಲಾಯಿತು.

ಸೇಫ್ ಸ್ಟಾರ್ ಸೌಹಾರ್ದ ಸಹಕಾರಿ ಸಂಘ ನಿಯಮಿತ ಒಟ್ಟು 20 ಶಾಖೆಗಳನ್ನು ಹೊಂದಿದೆ. ಭಾರತ ದೇಶ, ಭಾಷೆ ದೇಶಾಭಿಮಾನ ವಿಚಾರ ಬಂದಾಗ ಸದಾ ಮೊದಲ ಪಂಕ್ತಿಯಲ್ಲಿ ನಿಂತು ಸೇವೆ ನೀಡುವ ಸೇಫ್ ಸ್ಟಾರ್ ಸಂಸ್ಥೆ ಹಾಗೂ ಅದರ ಅಧ್ಯಕ್ಷ ಜಿ.ಜಿ ಶಂಕರ. ಅವರು 80ನೇ ವರ್ಷದ ಸ್ವಾತಂತ್ರ ದಿನದ ಸಂದರ್ಭದಲ್ಲಿ “ಹರ ಘರ ತಿರಂಗ” ಎನ್ನುವ ಕೇಂದ್ರ ಸರ್ಕಾರದ ಕರೆಗೆ ಜಿಲ್ಲೆಯಲ್ಲಿ ಸುಮಾರು 2000 ಜನರಿಗೆ ರಾಷ್ಟ್ರಧ್ವಜ ಹಾಗೂ ಸಿಹಿ ತಿಂಡಿ ನೀಡಿ ದೇಶಾಭಿಮಾನ ಮೂಡಿಸಿದ್ದು ಇರುತ್ತದೆ.

ಕರೋನಾ ಮಹಾಮಾರಿಯ ಸಂದರ್ಭದಲ್ಲಿ ಭಾರತ ದೇಶ ಸಂಕಷ್ಠ ಎದುರಿಸುವಾಗ ಕೇಂದ್ರ ಸರ್ಕಾರ ಹಾಗೂ ಮಾನ್ಯ ಪ್ರಧಾನ ಮಂತ್ರಿಗಳಾದ ಶ್ರೀ ನರೇಂದ್ರ ಮೋದಿಯವರು ದೇಶದಾದ್ಯಂತ ದಾನಿಗಳು ಸೇವಾ-ಸಂಸ್ಥೆಗಳು ಸರ್ಕಾರಕ್ಕೆ ಧನ ಸಹಾಯಕ್ಕೆ ವಿಜ್ಜಾಪನೆ ಮಾಡಿದಾಗ ಸೇಫ್ ಸ್ಟಾರ್ ಸೌಹಾರ್ದ ಸಹಕಾರಿ ಸಂಘ ನಿಯಮಿತ ಕೇಂದ್ರ ಸರ್ಕಾರಕ್ಕೆ ರೂ1.5 ಲಕ್ಷ ಹಾಗೂ ರಾಜ್ಯ ಸರ್ಕಾರಕ್ಕೆ ರೂ1ಲಕ್ಷ ಕರೋನಾ ಸಹಾಯ ಧನ ಮಾಡಿದೆ ಮತ್ತು 20 ಅಂಗನವಾಡಿ ಆಶಾ ಕಾರ್ಯಕರ್ತೆಯರಿಗೆ 1 ತಿಂಗಳ ವೇತನ, ಸಾವಿರಾರು ಜನರಿಗೆ ಊಟ ಉಪಚಾರ ಮಾಡಿದ್ದು ಇರುತ್ತದೆ. ಸೇಫ್ ಸ್ಟಾರ್ ಸೌಹಾರ್ದ ಸಹಕಾರಿ ಕೇವಲ ಲಾಭಾಂಶ ಮಾತ್ರವೇ ಗುರಿಯನ್ನಾಗಿಸದೇ ಸೇವೆಯಲ್ಲಿಯೂ ಸಹ ಮುಂಚೂಣಿಯಲ್ಲಿದೆ ಎಂಬುದನ್ನು ಈ ವರ್ಷ ಸ್ವಾತಂತ್ರೋತ್ಸವ ಸಂಭ್ರಮವನ್ನು ಧ್ವಜಾರೋಹಣ ಮಾಡುವ ಮೂಲಕ ಸಾಕ್ಷೀಕರಿಸಿದೆ.

ಈ ಸುಸಂದರ್ಭದಲ್ಲಿ ಪ್ರಧಾನ ವ್ಯವಸ್ಥಾಪಕ ಮಹೇಶ ಶೆಟ್ಟಿ, ನಿರ್ದೇಶಕ ಶ್ರೀ ಲಿಫರ್ಡ ಜೆ. ರೋಡ್ರಿಗ್ಸ್, ಶ್ರೀ ಪಾತ್ರೋನ್ ವಿ. ಫರ್ನಾಂಡಿಸ್, ಪ್ರಧಾನ ಕಛೇರಿ ಅಧಿಕಾರಿಗಳು, ಸಿಬ್ಬಂದಿಗಳು ಹಾಗೂ ಹೊನ್ನಾವರ ಶಾಖಾ ವ್ಯವಸ್ಥಾಪಕರೊಳಗೊಂಡು ಸಿಬ್ಬಂದಿಗಳು ಹಾಜರಿದ್ದು ಸ್ವಾತಂತ್ರೋತ್ಸವ ಸಂಭ್ರಮವನ್ನು ಆಚರಿಸಿದರು.

ಶಿಕಾರಿಪುರ ಶಾಖೆ ನೂತನ ಕಾರ್ಯಾಲಯ ಉದ್ಘಾಟನೆ

1ನೇ ಮಹಡಿ, "ಶ್ರೀ ಶಾಂತವೀರಪ್ಪ" ತೇರುಬೀದಿ, ತಾ: ಶಿಕಾರಿಪುರ (ಶಿವಮೊಗ್ಗ ಜಿಲ್ಲೆ) ನಲ್ಲಿ ಸೇಫ್ ಸ್ಟಾರ್ ಸೌಹಾರ್ದ ಇದರ ಶಿಕಾರಿಪುರ ಶಾಖೆಯು ಲಕ್ಷ್ಮೀ ಪೂಜೆಯೊಂದಿಗೆ ಶುಭಾರಂಭವಾಯಿತು.

ರಿಪ್ಪನ ಪೇಟೆ ಶಾಖೆ ನೂತನ ಕಾರ್ಯಾಲಯ ಉದ್ಘಾಟನೆ

1ನೇ ಮಹಡಿ, "ಕೇದಾರಲಿಂಗೇಶ್ವರ ಕಾಂಪ್ಲೆಕ್ಸ್" BSNL ಹತ್ತಿರ, ಸಾಗರ ರೋಡ್, ರಿಪ್ಪನ ಪೇಟೆ, ತಾ: ಹೊಸನಗರ (ಶಿವಮೊಗ್ಗ ಜಿಲ್ಲೆ), ರಿಪ್ಪನ ಪೇಟೆ ಶಾಖೆಯು ಲಕ್ಷ್ಮೀ ಪೂಜೆಯೊಂದಿಗೆ ಶುಭಾರಂಭವಾಯಿತು.

ಶಾಸನತ್ಮಕ ಕರ್ತವ್ಯ ನಿರ್ವಹಣೆ ಕುರಿತು ಸಿಬ್ಬಂದಿಗಳಿಗೆ ಒಂದು ದಿನದ ಕಾರ್ಯಾಗಾರ

ಇಂದು ಹೊನ್ನಾವರದ ರೋಟರಿ ಕ್ಲಬ್ ಸಭಾಭವನದಲ್ಲಿ ಪ್ರಧಾನ ಕಚೇರಿ ವ್ಯಾಪ್ತಿಯಲ್ಲಿ ಕ್ಲರ್ಕ್ ಅಕೌಂಟೆಂಟ್ ಎಬಿಎಮ್ ಇವರುಗಳಿಗೆ ಶಾಸನತ್ಮಕ ಕರ್ತವ್ಯ ನಿರ್ವಹಣೆ ಕುರಿತಂತೆ ಒಂದು ದಿನದ ಕಾರ್ಯಾಗಾರವನ್ನು ದೀಪ ಬೆಳಗಿಸುವುದರ ಮೂಲಕ ಮಾನ್ಯ ಅಧ್ಯಕ್ಷರು ಚಾಲನೆ ನೀಡಿದರು. ಈ ಸಂದರ್ಭದಲ್ಲಿ ಕಡಿಮೆ (5ರ ಒಳಗೆ) ಸಾಂದರ್ಭಿಕ ರಜೆ ಪಡೆದ ಹಾಗೂ 25-26 ಸಾಲಿನ ಆರ್ಥಿಕ ವರ್ಷದಲ್ಲಿ ಹೆಚ್ಚು ಡೆಪಾಸಿಟ್ ಕ್ಯಾನ್ವಾಸ್ ಮಾಡಿದ ಸಿಬ್ಬಂದಿಗಳಿಗೆ ಗೌರವಿಸಲಾಯಿತು. ಇಂದಿನ ಕಾರ್ಯಗಾರದಲ್ಲಿ ಹುದ್ದೆ ಕರ್ತವ್ಯ ಜವಾಬ್ದಾರಿ ಹಾಗು ಇನ್ನಿತರ ವಿಷಯದ ಕುರಿತಂತೆ ಮಾನ್ಯ ಅಧ್ಯಕ್ಷರು ಉತ್ತಮ ಸಲಹೆ ಮಾರ್ಗದರ್ಶನ ನೀಡಿದರು. ದೈನಂದಿನ ವ್ಯವಹಾರ ನಿರ್ವಹಣೆ ಬಗ್ಗೆ ಎಡ್ವಿನ್ ಸರ್ ಮತ್ತು ದಾಖಲೆ, ತಂತ್ರಾಂಶ ನಿರ್ವಹಣೆ ಮತ್ತು ಇನ್ನಿತರ ವಿಷಯದ ಬಗ್ಗೆ ಮಹೇಶ ಸರ್ ಅವರು ಮತ್ತು ಕಂಪ್ಯೂಟರ್ ನಿರ್ವಹಣೆ ಬಗ್ಗೆ ಐಟಿ ವಿಭಾಗದಿಂದ ಉತ್ತಮ ಸಲಹೆ, ಮಾರ್ಗದರ್ಶನ ನೀಡಲಾಯಿತು. ಈ ಸಂದರ್ಭದಲ್ಲಿ ನಿರ್ದೇಶಕರುಗಳು ಪ್ರಧಾನ ಕಚೇರಿ ಮತ್ತು ಹೊನ್ನಾವರ ಶಾಖೆಯಿಂದ ಆಯ್ದ ಸಿಬ್ಬಂದಿಗಳು ಹಾಜರಿದ್ದು ಕಾರ್ಯಕ್ರಮವನ್ನು ಯಶಸ್ವಿಗೊಳಿಸಿದರು. ಸೀನಿಯರ್ ಮ್ಯಾನೇಜರ್ (ಮಂಕಿ ಶಾಖೆ) ಆದಂತಹ ಜೀವನ್ ನಾಯ್ಕ ಅವರು ಸ್ವಾಗತಿಸಿದರು. ಸೀನಿಯರ್ ಮ್ಯಾನೇಜರ್ ವಿಘ್ನೇಶ್ವರ ಹೆಗಡೆ ಕಾರ್ಯಕ್ರಮ ನಿರೂಪಿಸಿ ವಂದಿಸಿದರು.

ಹೊನ್ನಾವರದಲ್ಲಿ ಮಹಿಳಾ ಸಾಲ ಯೋಜನೆ ಕಾರ್ಯಾಗಾರ

ಇಂದು ಹೊನ್ನಾವರದ ರೋಟರಿ ಕ್ಲಬ್ ನಲ್ಲಿ ಮಹಿಳಾ ಸಾಲ ಯೋಜನೆ ಸಂಬಂಧಿಸಿದಂತೆ ಕೋರ್ಡಿನೇಟರ್ FO, FO2 ಗಳಿಗೆ ಒಂದು ದಿನದ ಕಾರ್ಯಾಗಾರವನ್ನು ಮಾನ್ಯ ಅಧ್ಯಕ್ಷರ ನೇತ್ರತ್ವದಲ್ಲಿ ದೀಪ ಬೆಳಗಿಸುವುದರೊಂದಿಗೆ ಚಾಲನೆ ನೀಡಲಾಯಿತು. ಈ ಕಾರ್ಯಾಗಾರದಲ್ಲಿ ಹಿಂದಿನ ಆರ್ಥಿಕ ವರ್ಷದಲ್ಲಿ ಸಾಲ ಬಾಕಿ ಹಾಗು ಹೆಚ್ಚು ಕೋರ್ಡಿನೇಟರ್ ನೇಮಕ ಮಾಡಿದ ಸಿಬ್ಬಂದಿಗಳಿಗೆ ಗೌರವಿಸಲಾಯಿತು. ಕಾರ್ಯಾಗಾರದಲ್ಲಿ ಸಂಯೋಜಕರ ಹುದ್ದೆ / ಕರ್ತವ್ಯ ಜವಾಬ್ದಾರಿ / ಠೇವು ಪರಿಚಯ / ಸಾಲ ವಸೂಲಿ, ಇನ್ನಿತರ ವಿಷಯಗಳ ಬಗ್ಗೆ ಮಾನ್ಯ ಅಧ್ಯಕ್ಷರು ಉತ್ತಮ ಸಲಹೆ ನೀಡಿದರು. ಹಾಗು ಪ್ರಧಾನ ಕಚೇರಿಯ ಪ್ರಧಾನ ವ್ಯವಸ್ಥಾಪಕರು - ಸಾಲ ವಸೂಲಿ, ಕಾನೂನಾತ್ಮಕ ಕ್ರಮ ಆಡಳಿತಾತ್ಮಕ ವಿಷಯಗಳ ಕುರಿತು, ಸಹಾಯಕ ವ್ಯವಸ್ಥಾಪಕರು - ಮಹಿಳಾ ಸಾಲದ ಜೊತೆಗೆ ಇತರೆ ಸಾಲ ನೀಡುವ ಬಗ್ಗೆ POS ಮಷೀನ್ ನಿರ್ವಹಣೆ ಬಗ್ಗೆ ಐ ಟಿ ಮ್ಯಾನೇಜರ್ ಉತ್ತಮ ಮಾರ್ಗದರ್ಶನ ನೀಡಿದರು. ಈ ಸಂದರ್ಭದಲ್ಲಿ ನಿರ್ದೇಶಕರುಗಳು ಹಾಗೂ ಪ್ರಧಾನ ಕಚೇರಿ ಹಾಗು ಹೊನ್ನಾವರ ಶಾಖಾ ಕೆಲ ಸಿಬ್ಬಂದಿಗಳು ಹಾಜರಿದ್ದು ಕಾರ್ಯಕ್ರಮ ಯಶಸ್ವಿಯಾಗಲು ಕಾರಣರಾದರು. ಸೀನಿಯರ್ ಮ್ಯಾನೇಜರ್ ರವಿ ಶೆಟ್ಟಿ ಸ್ವಾಗತಿಸಿದರು, ಸೀನಿಯರ್ ಮ್ಯಾನೇಜರ್ ಕೇಶವ ತಾಂಡಲ್ ವಂದಿಸಿದರು.

ಶಾಖಾ ವ್ಯವಸ್ಥಾಪಕರಿಗೆ ಒಂದು ದಿನದ ಕಾರ್ಯಾಗಾರ ಯಶಸ್ವಿ

ಇಂದು ಹೊನ್ನಾವರದ ರೋಟರಿ ಕ್ಲಬ್ ಸಭಾಭವನದಲ್ಲಿ ಶಾಖಾ ವ್ಯವಸ್ಥಾಪಕರ ಕರ್ತವ್ಯ ನಿರ್ವಹಣೆ ಹಾಗು ಇನ್ನಿತರ ವಿಷಯಕ್ಕೆ ಸಂಬಂಧಿಸಿದಂತೆ ಒಂದು ದಿನದ ಕಾರ್ಯಾಗಾರವನ್ನು ಮಾನ್ಯ ಅಧ್ಯಕ್ಷರ ನೇತ್ರತ್ವದಲ್ಲಿ ದೀಪ ಬೆಳಗಿಸುವುದರೊಂದಿಗೆ ಚಾಲನೆ ನೀಡಲಾಯಿತು. ಈ ಕಾರ್ಯಾಗಾರದಲ್ಲಿ ಹಿಂದಿನ ಆರ್ಥಿಕ ವರ್ಷದಲ್ಲಿ ಉತ್ತಮ ಸಾಲ ನೀಡುವಿಕೆ ಹಾಗೂ ವಸೂಲಾತಿಯಲ್ಲಿ ಸಾಧನೆಗೈದ ಶಾಖೆಗಳನ್ನು ಗೌರವಿಸಲಾಯಿತು. ಈ ಕಾರ್ಯಾಗಾರದಲ್ಲಿ ಸಾಲ ನೀಡುವಿಕೆ, ವಸೂಲಾತಿ, ವ್ಯಕ್ತಿತ್ವ ವಿಕಸನ ಇನ್ನಿತರ ವಿಷಯಗಳ ಬಗ್ಗೆ ಮಾನ್ಯ ಅಧ್ಯಕ್ಷರು ಉತ್ತಮ ಸಲಹೆ ನೀಡಿದರು. ಮತ್ತು ಪ್ರಧಾನ ಕಚೇರಿಯ ಪ್ರಧಾನ ವ್ಯವಸ್ಥಾಪಕರು, ಸಹಾಯಕ ವ್ಯವಸ್ಥಾಪಕರು ಆಡಳಿತಾತ್ಮಕ ವಿಭಾಗಕ್ಕೆ ಸಂಬಂಧಿಸಿದಂತೆ ಉತ್ತಮ ಮಾರ್ಗದರ್ಶನ ನೀಡಿದರು. ಈ ಸಂದರ್ಭದಲ್ಲಿ ನಿರ್ದೇಶಕರುಗಳು ಹಾಗೂ ಪ್ರಧಾನ ಕಚೇರಿ ಹಾಗು ಹೊನ್ನಾವರ ಶಾಖಾ ಕೆಲ ಸಿಬ್ಬಂದಿಗಳು ಹಾಜರಿದ್ದು ಕಾರ್ಯಕ್ರಮ ಯಶಸ್ವಿಯಾಗಲು ಕಾರಣರಾದರು. ಸೀನಿಯರ್ ಮ್ಯಾನೇಜರ್ (IT) ವಿಘ್ನೇಶ್ವರ ಹೆಗಡೆ ಸ್ವಾಗತಿಸಿ ನಿರೂಪಿಸಿದರು, ಆ.ಲೆ.ಪ ನರೇಂದ್ರ ಪ್ರಭು ಅವರು ವಂದಿಸಿದರು.

ಶಾಖಾ ವ್ಯವಸ್ಥಾಪಕರ ಪ್ರಗತಿ ಪರಿಶೀಲನಾ ಸಭೆ

ಇಂದು ಪ್ರಧಾನ ಕಛೇರಿ ಯಲ್ಲಿ ಮಾನ್ಯ ಅಧ್ಯಕ್ಷರ ನೇತ್ರತ್ವದಲ್ಲಿ ಆಯ್ದ ಶಾಖಾ ವ್ಯವಸ್ಥಾಪಕರ ಪ್ರಗತಿ ಪರಿಶೀಲನಾ ಸಭೆ ಏರ್ಪಡಿಸಲಾಗಿತ್ತು. ಈ ಸಭೆಯಲ್ಲಿ ಮಾನ್ಯ ಅಧ್ಯಕ್ಷರು ಸಾಲ ವಸೂಲಾತಿ,ಕಾನೂನು ಕ್ರಮ ಹಾಗು ಎದರಾಗುವ ಅಡಚಣೆ, ಮಾರ್ಚ ಅಂತ್ಯದ ಉತ್ತಮ ಫಲಿತಾಂಶ ತರಲು ಮಾಡುವ ಕಾರ್ಯ ವೈಕರಿ ಬಗ್ಗೆ ಉತ್ತಮ ಮಾರ್ಗದರ್ಶನ ನೀಡಿದರು. ಈ ಸಂದರ್ಭದಲ್ಲಿ ನಿರ್ದೇಶಕರು ಪ್ರ ವ್ಯವಸ್ಥಾಪಕರು, ಸಹಾಯಕ ವ್ಯವಸ್ಥಾಪಕರನ್ನು ಒಳಗೊಂಡು ಹಿರಿಯ ಅಧಿಕಾರಿಗಳು ಉಪಸ್ಥಿತರಿದ್ದರು.

ಹೊಸ ವರ್ಷದ ಕ್ಯಾಲೆಂಡರ್ ಅನಾವರಣೆ

ಇಂದು ಪ್ರಧಾನ ಕಚೇರಿ ಹಾಗು ಹೊನ್ನಾವರ ಶಾಖೆ ಒಳಗೊಂಡು 2026 ರ ಕ್ಯಾಲೆಂಡರ್ ಮತ್ತು ಡೈರಿ ಬಿಡುಗಡೆ ಮಾನ್ಯ ಅಧ್ಯಕ್ಷರ ಅನುಮತಿಯ ಮೇರೆಗೆ ನಿರ್ದೇಶಕರು,ಪ್ರಧಾನ ವ್ಯವಸ್ಥಾಪಕರು ಹಾಗು ಹಿರಿಯ ಅಧಿಕಾರಿಗಳಿಂದ ನೇರವೆರಿಸಲಾಯಿತು.ಈ ಸಂದರ್ಭದಲ್ಲಿ ಪ್ರ ಕ ಮತ್ತು ಹೊನ್ನಾವರ ಶಾಖಾ ಸಿಬ್ಬಂದಿಯಗಳು ಉಪಸ್ಥಿತ ರಿದ್ದರು.

ಸೇಫ್ ಸ್ಟಾರ್ ಸೌಹಾರ್ದ ಅಂಕೋಲಾ ಶಾಖೆ ನೂತನ ಕಾರ್ಯಾಲಯ ಉದ್ಘಾಟನೆ

2ನೇ ಮಹಡಿ, ಕಾಮತ್ ಕಾಂಪ್ಲೆಕ್ಸ್, ಕುಮಟಾ ರೋಡ್, ಬೈಪಾಸ್ ಹತ್ತಿರ, ಅಂಕೋಲಾ (ಉ.ಕ) ನಲ್ಲಿ ಸೇಫ್ ಸ್ಟಾರ್ ಸೌಹಾರ್ದ ಇದರ ಅಂಕೋಲಾ ಶಾಖೆಯು ಸ್ಥಳಾಂತರಗೊಂಡು ಲಕ್ಷ್ಮೀ ಪೂಜೆಯೊಂದಿಗೆ ಶುಭಾರಂಭವಾಯಿತು.

ಸೇಫ್ ಸ್ಟಾರ್ ಸೌಹಾರ್ದ ಕುಮಟಾ ಶಾಖೆ ನೂತನ ಕಾರ್ಯಾಲಯ ಉದ್ಘಾಟನೆ

2ನೇ ಮಹಡಿ, ಶಾನಭಾಗ ಕಂಪೌಂಡ್, ಕೆ.ಡಿ.ಸಿ.ಸಿ. ಬ್ಯಾಂಕ್ ಹತ್ತಿರ, ಕುಮಟಾ, (ಉ.ಕ) ನಲ್ಲಿ ಸೇಫ್ ಸ್ಟಾರ್ ಸೌಹಾರ್ದ ಇದರ ಕುಮಟಾ ಶಾಖೆಯು ಸ್ಥಳಾಂತರಗೊಂಡು ಲಕ್ಷ್ಮಿ ಪೂಜೆಯೊಂದಿಗೆ ಶುಭಾರಂಭವಾಯಿತು.

ಸೇಫ್ ಸ್ಟಾರ್ ಸೌಹಾರ್ದ ಅಳ್ಳಂಕಿ ಶಾಖೆ ನೂತನ ಕಾರ್ಯಾಲಯ ಉದ್ಘಾಟನೆ

ಹೆರಂಗಡಿ, ತಾ: ಹೊನ್ನಾವರ, "ಕಾರ್ತಿಕ್ ಆರ್ಕೆಡ್" ಕಟ್ಟಡದ 1ನೇ ಮಹಡಿಯಲ್ಲಿ ಸೇಫ್ ಸ್ಟಾರ್ ಸೌಹಾರ್ದ ಇದರ ಅಳ್ಳಂಕಿ ಶಾಖೆಯು ಸ್ಥಳಾಂತರಗೊಂಡು ಲಕ್ಷ್ಮಿ ಪೂಜೆಯೊಂದಿಗೆ ಶುಭಾರಂಭವಾಯಿತು.

ದಿನಾಂಕ 15-8-25 ರಂದು 79 ನೇ ಸ್ವಾತಂತ್ರ ದಿನವನ್ನು ಪ್ರಧಾನ ಕಚೇರಿ ಹಾಗು ಹೊನ್ನಾವರ ಶಾಖೆ ಒಳಗೊಂಡು ಮಾನ್ಯ ಅಧ್ಯಕ್ಷರ ನೇತೃತ್ವದಲ್ಲಿ ಜರುಗಿತು.ಈ ಸಂದರ್ಭದಲ್ಲಿ ಪ್ರಧಾನ ವ್ಯವಸ್ಥಾಪಕರು ಹಾಗು ಪ್ರ ಕ ದ ಹಿರಿಯ ಅಧಿಕಾರಿಗಳು ಹೊನ್ನಾವರ ಶಾಖೆಯ ಹಿರಿಯ ವ್ಯವಸ್ಥಾಪಕರು ಮತ್ತು ಎಲ್ಲಾ ಸಿಬ್ಬಂದಿಗಳು ಹಾಜರಿದ್ದರು.

ಶಿರಸಿ, ಯಲ್ಲಾಪುರ, ಸಿದ್ದಾಪುರ, ಸಾಗರ, ಸೊರಬ ಶಿರಸಿ ವಿಭಾಗ ಮಟ್ಟದ ಕೊಡೀನೇಟರ್ ಗಳ ಒಂದು ದಿನದ ಕಾರ್ಯಾಗಾರ ನಿನ್ನೆ ದಿನಾಂಕ 22-05-2025 ರಂದು ಸಿದ್ದಾಪುರದ ಶಂಕರಮಠ ಶ್ರೀ ಶ್ರೀ ಭಾರತೀ ತೀರ್ಥ ಸಭಾಭವನದಲ್ಲಿ ಜರುಗಿತು. ಈ ಕಾರ್ಯಾಗಾರವನ್ನು ದೀಪ ಬೆಳಗಿಸುವುದರ ಮೂಲಕ ಮಾನ್ಯ ಅಧ್ಯಕ್ಷರು ಶ್ರೀ ಜಿ. ಜಿ. ಶಂಕರ ಅವರು ಉದ್ಘಾಟಿಸಿದರು.ಕಾರ್ಯಾಗಾರ ದಲ್ಲಿ ಈ ಮೇಲಿನ ಶಾಖೆಗಳ ವ್ಯವಸ್ಥಾಪಕರು, ಫೀಲ್ಡ್ ಆಫೀಸರ್, ರಿಕವರಿ ಆಫೀಸರ್ ಒಳಗೊಂಡಂತೆ ಇಂದಿನ ಕಾರ್ಯಗಾರದಲ್ಲಿನ ಆಮಂತ್ರಿತ.ಸಿಬ್ಬಂದಿಗಳಲ್ಲಿ ಮಹಿಳಾ 37 ಹಾಗೂ ಪುರುಷರು 23 ಹಾಗೂ ಪ್ರಧಾನ ಕಛೇರಿ ಹೊನ್ನಾವರ ಶಾಖೆ (ಕಾರ್ಯಾಗಾರ ನಿರ್ವಹಣೆ) ಒಳಗೊಂಡು ಒಟ್ಟು 70 ಸಿಬ್ಬಂದಿಗಳು ಹಾಜರಿದ್ದರು. ಮಹಿಳಾ ಸಾಲ ಯೋಜನೆ ಕುರಿತಂತೆ ಈ ಸಂದರ್ಭದಲ್ಲಿ ಉತ್ತಮ ಸಾಧನೆ ಹಾಗೂ ಸೇವೆ ಸಲ್ಲಿಸಿದ ಸಿಬ್ಬಂದಿಗಳಿಗೆ ಬಹುಮಾನ ನೀಡಿ ಗೌರವಿಸಲಾಯಿತು. ಕಾರ್ಯಗಾರದಲ್ಲಿ ಹುದ್ದೆ ಕರ್ತವ್ಯ ಜವಾಬ್ದಾರಿ ಹಾಗೂ ಎದುರಾಗುವ ಸವಾಲುಗಳಿಗೆ ಬೆಳಿಗ್ಗೆಯ ಅವಧಿಯಲ್ಲಿ ಹಾಗೂ ಸಾಯಂಕಾಲ ಅವಧಿಯಲ್ಲಿ ವ್ಯಕ್ತಿತ್ವ ವಿಕಸನ ಮತ್ತು ಪರಿಕಲ್ಪನೆ.SHG ಸಂಘ ಗಳ ರಚನೆ ಬಗ್ಗೆ ಮಾನ್ಯ ಅಧ್ಯಕ್ಷರು ಉತ್ತಮ ತರಬೇತಿ ಹಾಗೂ ಮಾರ್ಗದರ್ಶನ ನೀಡಿದರು.

ಹಾಗೂ ದೈನಂದಿನ ವ್ಯವಹಾರ ನಿರ್ವಹಣೆ ಬಗ್ಗೆ ಸೀ.ಮೇನೆಜರ್ ಗೌರೀಶ ಮತ್ತು ದಾಖಲೆ ತಂತ್ರಾಂಶ ನಿರ್ವಹಣೆ ಬಗ್ಗೆ GM ಮಹೇಶ ಸರ್ ಅವರು ಮತ್ತು POS ಮಷೀನ್ ನಿರ್ವಹಣೆ ಬಗ್ಗೆ ಐಟಿ ವಿಭಾಗದಿಂದ ಉತ್ತಮ ಮಾರ್ಗದರ್ಶನ ನೀಡಿದರು. ಕಾರ್ಯಾಗಾರದಲ್ಲಿ ವಿಶೇಷವಾಗಿ ಮಹಿಳೆಯರಿಗೆ ಭಾವಗೀತೆಯ ಹಾಡನ್ನು ಸಮರ್ಪಿಸಿ ಗೌರವವನ್ನು ನೀಡಲಾಯಿತು. ಈ ಸಂದರ್ಭದಲ್ಲಿ ನಿರ್ದೇಶಕರಾದ ಎಲ್ ಜೆ ಪಟಗಾರ, ಜಿ ಆರ್ ಹೆಗಡೆ, ರಾಮಚಂದ್ರ ಹಳಕಾರ, ಶಿರಸಿ ಹಾಗು ಸಿದ್ದಾಪುರ ಶಾಖೆಯ ಬಿ ಡಿ ಸಿ ನಿರ್ದೇಶಕರು ಹಾಜರಿದ್ದರು. ರಾಮಚಂದ್ರ ಹಳಕಾರ ಸರ್ ಅವರು ಕಾರ್ಯಗಾರ ಕುರಿತಾಗಿ ಪ್ರಾಸ್ತಾವಿಕ ನುಡಿಗಳನ್ನು ಆಡಿದರು. ಪ್ರ ಕ ಸಿಬ್ಬಂದಿಗಳು ಉಪಸ್ಥಿತ ರಿದ್ದು ಕಾರ್ಯಕ್ರಮ ಯಶಸ್ವಿಗೊಳಿಸಿದರು.ಈ ಕಾರ್ಯಗಾರವನ್ನು ಯಲ್ಲಾಪುರ ಶಾಖೆಯ ಸಿ ಮ್ಯಾನೇಜರ್ ಸುಬ್ರಾಯ ಪೈ ಗಣ್ಯರನ್ನು ಸ್ವಾಗತಿಸಿದರು. ಸಿದ್ದಾಪುರ ಶಾಖೆಯ ಸಿ.ಮೇನೆಜರ್ ನಿಲೇಶ ಮೇಸ್ತ ವಂದಿಸಿದರು. ಹಳದೀಪುರ ಶಾಖೆಯ ಸಿ ಮ್ಯಾನೇಜರ್ ಕೇಶವ ತಾಂಡೇಲ ಕಾರ್ಯಕ್ರಮ ನಿರೂಪಿಸಿದರು.

ಮಂಕಿ, ಮುರ್ಡೇಶ್ವರ, ಶಿರಾಲಿ, ಮಣ್ಕುಳಿ, ಬೈಂದೂರು, ತ್ರಾಸಿ ಶಾಖೆಗಳ, ಭಟ್ಕಳ ವಿಭಾಗ ಮಟ್ಟದ ಕೊಡೀನೇಟರ್ ಗಳ ಒಂದು ದಿನದ ಕಾರ್ಯಾಗಾರ ಇಂದು ದಿನಾಂಕ 20-05-2025 ರಂದು ಮುರ್ಡೆಶ್ವರದ ಶ್ರೀ ವಿನಾಯಕ ರೆಸಿಡೆನ್ಸಿ ಸಭಾಭವನದಲ್ಲಿ ಜರುಗಿತು. ಈ ಕಾರ್ಯಾಗಾರವನ್ನು ದೀಪ ಬೆಳಗಿಸುವುದರ ಮೂಲಕ ಮಾನ್ಯ ಅಧ್ಯಕ್ಷರು ಶ್ರೀ ಜಿ. ಜಿ. ಶಂಕರ ಅವರು ಉದ್ಘಾಟಿಸಿದರು. ಕಾರ್ಯಾಗಾರದಲ್ಲಿ ಈ ಮೇಲಿನ ಶಾಖೆಗಳ ವ್ಯವಸ್ಥಾಪಕರು, ಫೀಲ್ಡ್ ಆಫೀಸರ್, ರಿಕವರಿ ಆಫೀಸರ್ ಒಳಗೊಂಡಂತೆ ಇಂದಿನ ಕಾರ್ಯಗಾರದಲ್ಲಿನ ಆಮಂತ್ರಿತ.ಸಿಬ್ಬಂದಿಗಳಲ್ಲಿ ಮಹಿಳಾ 33 ಹಾಗೂ ಪುರುಷರು 30 ಹಾಗೂ ಪ್ರಧಾನ ಕಛೇರಿ ಹೊನ್ನಾವರ ಶಾಖೆ (ಕಾರ್ಯಾಗಾರ ನಿರ್ವಹಣೆ) ಒಳಗೊಂಡು ಒಟ್ಟು 63 ಸಿಬ್ಬಂದಿಗಳು ಹಾಜರಿದ್ದರು. ಮಹಿಳಾ ಸಾಲ ಯೋಜನೆ ಕುರಿತಂತೆ ಈ ಸಂದರ್ಭದಲ್ಲಿ ಉತ್ತಮ ಸಾಧನೆ ಹಾಗೂ ಸೇವೆ ಸಲ್ಲಿಸಿದ ಸಿಬ್ಬಂದಿಗಳಿಗೆ ಬಹುಮಾನ ವಿತರಿಸಲಾಯಿತು. ಇಂದಿನ ಕಾರ್ಯಗಾರದಲ್ಲಿ ಹುದ್ದೆ ಕರ್ತವ್ಯ ಜವಾಬ್ದಾರಿ ಹಾಗೂ ಎದುರಾಗುವ ಸವಾಲುಗಳಿಗೆ ಬೆಳಿಗ್ಗೆಯ ಅವಧಿಯಲ್ಲಿ ಹಾಗೂ ಸಾಯಂಕಾಲ ಅವಧಿಯಲ್ಲಿ ವ್ಯಕ್ತಿತ್ವ ವಿಕಸನ ಮತ್ತು ಪರಿಕಲ್ಪನೆ. SHG ಸಂಘ ಗಳ ರಚನೆ ಬಗ್ಗೆ ಮಾನ್ಯ ಅಧ್ಯಕ್ಷರು ಉತ್ತಮ ತರಬೇತಿ ಹಾಗೂ ಮಾರ್ಗದರ್ಶನ ನೀಡಿದರು.

ಹಾಗೂ ದೈನಂದಿನ ವ್ಯವಹಾರ ನಿರ್ವಹಣೆ ಬಗ್ಗೆ AGM ಎಡ್ವಿನ್ ಸರ್ ಸೀ.ಮೇನೆಜರ್ ಗೌರೀಶ ಮತ್ತು ದಾಖಲೆ ತಂತ್ರಾಂಶ ನಿರ್ವಹಣೆ ಬಗ್ಗೆ GM ಮಹೇಶ ಸರ್ ಅವರು ಮತ್ತು POS ಮಷೀನ್ ನಿರ್ವಹಣೆ ಬಗ್ಗೆ ಐಟಿ ವಿಭಾಗದಿಂದ ಉತ್ತಮ ಮಾರ್ಗದರ್ಶನ ನೀಡಿದರು. ಇಂದು ವಿಶೇಷವಾಗಿ ಮಹಿಳೆಯರಿಗೆ ಭಾವಗೀತೆಯ ಹಾಡನ್ನು ಸಮರ್ಪಿಸಿ ಗೌರವವನ್ನು ನೀಡಲಾಯಿತು. ಈ ಸಂದರ್ಭದಲ್ಲಿ ನಿರ್ದೇಶಕರಾದ ನಾಗೇಶ ದೇವಾಡಿಗ ಅವರು ಕಾರ್ಯಗಾರ ಕುರಿತಾಗಿ ಪ್ರಾಸ್ತಾವಿಕ ನುಡಿಗಳನ್ನು ಆಡಿದರು. ನಿರ್ದೇಶಕರು, ಪ್ರ ಕ ಸಿಬ್ಬಂದಿಗಳು ಉಪಸ್ಥಿತರಿದ್ದು ಕಾರ್ಯಕ್ರಮ ಯಶಸ್ವಿಗೊಳಿಸಿದರು. ಈ ಕಾರ್ಯಗಾರವನ್ನು ಮುರ್ಡೇಶ್ವರ ಶಾಖೆಯ ವ್ಯವಸ್ಥಾಪಕರು ಗಣ್ಯರನ್ನು ಸ್ವಾಗತಿಸಿದರು. ಸಿ.ಮೇನೆಜರ್ ಜೀವನ ನಾಯ್ಕ ಅವರು ಕಾರ್ಯಕ್ರಮ ನಿರೂಪಿಸಿ ವಂದಿಸಿದರು.

ಇಂದು ಹೊನ್ನಾವರದ ರೋಟರಿ ಕ್ಲಬ್ ಸಭಾಭವನದಲ್ಲಿ ಪ್ರಧಾನ ಕಚೇರಿ ವ್ಯಾಪ್ತಿಯಲ್ಲಿ ಕ್ಲರ್ಕ್ ಅಕೌಂಟೆಂಟ್ ಎಬಿಎಮ್ ಇವರುಗಳಿಗೆ ಶಾಸನತ್ಮಕ ಕರ್ತವ್ಯ ನಿರ್ವಹಣೆ ಕುರಿತಂತೆ ಒಂದು ದಿನದ ಕಾರ್ಯಾಗಾರವನ್ನು ದೀಪ ಬೆಳಗಿಸುವುದರ ಮೂಲಕ ಮಾನ್ಯ ಅಧ್ಯಕ್ಷರು ಚಾಲನೆ ನೀಡಿದರು. ಈ ಸಂದರ್ಭದಲ್ಲಿ ಉತ್ತಮ ಸಾಧನೆ ಹಾಗೂ ಸೇವೆ ಸಲ್ಲಿಸಿದ ಸಿಬ್ಬಂದಿಗಳಿಗೆ ಬಹುಮಾನ ವಿತರಿಸಲಾಯಿತು. ಇಂದಿನ ಕಾರ್ಯಗಾರದಲ್ಲಿ ಹುದ್ದೆ ಕರ್ತವ್ಯ ಜವಾಬ್ದಾರಿ ಹಾಗೂ ಎದುರಾಗುವ ಸವಾಲುಗಳಿಗೆ ಮಾನ್ಯ ಅಧ್ಯಕ್ಷರು ಉತ್ತಮ ಸಲಹೆ ಮಾರ್ಗದರ್ಶನ ನೀಡಿದರು ಹಾಗೂ ದೈನಂದಿನ ವ್ಯವಹಾರ ನಿರ್ವಹಣೆ ಬಗ್ಗೆ ಎಡ್ವಿನ್ ಸರ್ ಮತ್ತು ದಾಖಲೆ ತಂತ್ರಾಂಶ ನಿರ್ವಹಣೆ ಬಗ್ಗೆ ಮಹೇಶ ಸರ್ ಅವರು ಮತ್ತು ಕಂಪ್ಯೂಟರ್ ನಿರ್ವಹಣೆ ಬಗ್ಗೆ ಐಟಿ ವಿಭಾಗದಿಂದ ಉತ್ತಮ ಸಲಹೆ ,ಮಾರ್ಗದರ್ಶನ ನೀಡಲಾಯಿತು. ಇಂದಿನ ಕಾರ್ಯಗಾರದಲ್ಲಿ ಆಮಂತ್ರಿತ ಸಿಬ್ಬಂದಿಗಳಲ್ಲಿ ಮಹಿಳೆಯರು 28 ಪುರುಷರು 21 ಹಾಗೂ ಪ್ರಧಾನ ಕಛೇರಿ ಹೊನ್ನಾವರ ಶಾಖೆ (11 ಕಾರ್ಯಾಗಾರ ನಿರ್ವಹಣೆ) ಒಳಗೊಂಡು ಒಟ್ಟು 60 ಸಿಬ್ಬಂದಿಗಳು ಹಾಜರಿದ್ದರು . ಈ ಸುಸಂದರ್ಭದಲ್ಲಿ ನಿರ್ದೇಶಕರುಗಳು ಪ್ರಧಾನ ಕಚೇರಿ ಸಿಬ್ಬಂದಿಗಳು ಹಾಜರಿದ್ದು ಕಾರ್ಯಕ್ರಮವನ್ನು ಯಶಸ್ವಿಗೊಳಿಸಲಾಯಿತು. ಸೀನಿಯರ್ ಮ್ಯಾನೇಜರ್ ಆದಂತಹ ಕೇಶವ ತಾಂಡಲ್ ಕಾರ್ಯಕ್ರಮ ನಿರೂಪಿಸಿ ವಂದಿಸಿದರು.

ಹೊನ್ನಾವರದ ರೋಟರಿ ಕ್ಲಬ್ ನಲ್ಲಿ ಮಹಿಳಾ ಸಾಲ ಕ್ಕೆ ಸಂಬಂಧಿಸಿದಂತೆ ಒಂದು ದಿನದ ಕಾರ್ಯಾಗಾರವನ್ನು ಮಾನ್ಯ ಅಧ್ಯಕ್ಷ ರ ನೇತ್ರತ್ವದಲ್ಲಿ ದೀಪ ಬೆಳಗಿಸುವುದರೊಂದಿಗೆ ಚಾಲನೆ ನೀಡಲಾಯಿತು. ಈ ಕಾರ್ಯಾಗಾರ ದಲ್ಲಿ ಹಿಂದಿನ ಆರ್ಥಿಕ ವರ್ಷದಲ್ಲಿ ಉತ್ತಮ ಸಾಲ ಹಾಗೂ ವಸೂಲಾತಿಯಲ್ಲಿ ಸಾಧನೆಗೈತ ಸಿಬ್ಬಂದಿಗಳಿಗೆ ಬಹುಮಾನ ನೀಡಲಾಯಿತು. ಕಾರ್ಯಾಗಾರದಲ್ಲಿ ಸಾಲ ನೀಡುವಿಕೆ, ವಸೂಲಾತಿ ,ಇನ್ನಿತರ ವಿಷಯಗಳ ಬಗ್ಗೆ ಮಾನ್ಯ ಅಧ್ಯಕ್ಷರು ಉತ್ತಮ ಸಲಹೆ ನೀಡಿದರು. ಈ ಸಂದರ್ಭದಲ್ಲಿ ಪ್ರಧಾನ ಕಚೇರಿಯ ಪ್ರಧಾನ ವ್ಯವಸ್ಥಾಪಕರು, ಸಹಾಯಕ ವ್ಯವಸ್ಥಾಪಕರು ಆಡಳಿತಾತ್ಮಕ ವಿಭಾಗಕ್ಕೆ ಸಂಬಂಧಿಸಿದಂತೆ ಉತ್ತಮ ಮಾರ್ಗದರ್ಶನ ನೀಡಿದರು. ಈ ಸಂದರ್ಭದಲ್ಲಿ ನಿರ್ದೇಶಕರುಗಳು ಹಾಗೂ ಪ್ರಧಾನ ಕಚೇರಿಯ ಹಾಗು ಹೊನ್ನಾವರ ಶಾಖಾ ಕೆಲ ಸಿಬ್ಬಂದಿಗಳು ಹಾಜರಿದ್ದು ಕಾರ್ಯಕ್ರಮ ಯಶಸ್ವಿಯಾಗಲು ಕಾರಣರಾದರು. ಸೀನಿಯರ್ ಮ್ಯಾನೇಜರ್ ಕೇಶವ ತಾಂಡಲ್ ಸ್ವಾಗತಿಸಿ ವಂದಿಸಿದರು.

ಇಂದು ಪ್ರಧಾನ ಕಚೇರಿಯಲ್ಲಿ 2024-25 ಆರ್ಥಿಕ ವರ್ಷದ ಗುರಿ ಮತ್ತು ಸಾಧನೆ, ಕಟಬಾಕಿ ಸಾಲದ ಕುರಿತು ಪರಾಮರ್ಶೆ ಹಾಗೂ 2025-26ನೇ ಸಾಲಿನ ಠೇವಣಿ - ಸಾಲದ ಗುರಿ ಇವೇ ಮೊದಲಾದವುಗಳ ಕುರಿತು ಶಾಖಾ ವ್ಯವಸ್ಥಾಪಕರ ಸಭೆ ನೆಡೆದಿದ್ದು ಈ ಸಭೆಯಲ್ಲಿ ಮಾನ್ಯ ಅಧ್ಯಕ್ಷರು, ಪ್ರಧಾನ ವ್ಯವಸ್ಥಾಪಕರು,ಸಹಾಯಕ ಪ್ರ ವ್ಯವಸ್ಥಾಪಕರು ಹಾಜರಿದ್ದು ಉತ್ತಮ ಮಾರ್ಗದರ್ಶನ ನೀಡಿದರು. ಈ ಸಂದರ್ಭದಲ್ಲಿ ನೀರ್ದೆಶಕರು,ಪ್ರಕ ಸಿಬ್ಬಂದಿಗಳು ಹಾಗು ಎಲ್ಲಾ ಶಾಖಾ ವ್ಯವಸ್ಥಾಪಕರು ಹಾಜರಿದ್ದರು.

ಇಂದು ಸೇಫ್ ಸ್ಟಾರ್ ಸೌಹಾರ್ದ ಸಹಕಾರಿಯ 18ನೇ ಶಾಖೆ ತ್ರಾಸಿ ಶಾಖೆಗೆ ಸೌಹಾರ್ದ ಸಹಕಾರಿಯ ನಿರ್ದೇಶಕರಾದ ಶ್ರೀ ಮಂಜುನಾಥ್ ರವರು ಹಾಗೂ ಸೌಹಾರ್ದ ಸಹಕಾರಿಯ ಅಭಿವೃದ್ಧಿ ಅಧಿಕಾರಿ ಶ್ರೀ ವಿಜಯ ಸರ್ ಅವರು ಭೇಟಿ ನೀಡಿದ್ದರು. ಸಹಕಾರಿಯ ಪರವಾಗಿ ಹಾಗೂ ಶಾಖೆಯ ಪರವಾಗಿ ಶ್ರೀಯುತರನ್ನು ಪುಷ್ಪಗುಚ್ಚ ನೀಡಿ ಶಾಲು ಹೊದಿಸಿ ಶಾಖೆಯ ವ್ಯವಸ್ಥಾಪಕರಾದ ಮಧುಕರ್ ಗೌಡ ರವರು ಗೌರವವನ್ನು ಅರ್ಪಿಸಿದರು. ಈ ಸಂದರ್ಭದಲ್ಲಿ ಮಾತನಾಡಿದ ಮಂಜುನಾಥ್ ರವರು ಸಹಕಾರಿಯು ಉತ್ತಮವಾಗಿ ಬೆಳೆಯುತ್ತಿರುವ ಬಗ್ಗೆ ಶ್ಲಾಘನೆಯನ್ನು ವ್ಯಕ್ತಪಡಿಸಿದರು. ಸಹಕಾರಿಯ ಮಾನ್ಯ ಅಧ್ಯಕ್ಷರಾದ ಶ್ರೀಯುತ ಜಿ.ಜಿ .ಶಂಕರ್ ಸರ್ ಅವರೊಂದಿಗೆ ದೂರವಾಣಿ ಮೂಲಕ ಸಂಭಾಷಣೆ ನಡೆಸಿ ಹರ್ಷ ವ್ಯಕ್ತಪಡಿಸಿ ಅಭಿನಂದಿಸಿದರು. ಸಿಬ್ಬಂದಿಗಳ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದರು. ಸಿಬ್ಬಂದಿಗಳು ಕೋ ಆರ್ಡಿನೇಟರ್ ಗಳು ಈ ಸಂದರ್ಭದಲ್ಲಿ ಉಪಸ್ಥಿತರಿದ್ದರು.

ಸೇಫ್ ಸ್ಟಾರ್ ಸೌಹಾರ್ದ ಸಹಕಾರಿ ಹೊನ್ನಾವರ ಇದರ 18ನೇ ಶಾಖೆಯು ಉಡುಪಿ ಜಿಲ್ಲೆ ಕುಂದಾಪುರ ತಾಲೂಕಿನ ತ್ರಾಸಿಯಲ್ಲಿ ಜನವರಿ 26ರಂದು ಲಕ್ಷ್ಮೀ ಪೂಜೆಯೊಂದಿಗೆ ಶುಭಾರಂಭಗೊಂಡಿತು. ರಾಷ್ಟ್ರೀಯ ಹೆದ್ದಾರಿ 66ರ ಐಡಿಯಲ್ ಟವರ್ ಹತ್ತಿರದ ವಜ್ರಾಕ್ಷಿ ಕಾಂಪ್ಲೆಕ್ಸ್ ನ ಮೊದಲ ಮಹಡಿಯಲ್ಲಿ ನೂತನ ಶಾಖೆ ಆರಂಭಗೊಂಡಿದ್ದು ಸಹಕಾರಿಯ ಅಧ್ಯಕ್ಷರಾದ ಜಿ.ಜಿ.ಶಂಕರ ಉದ್ಘಾಟಿಸಿದರು.

2025 ರ ಡೈರಿ ವಿತರಣೆ

ಇಂದು ನಮ್ಮ ಸಹಕಾರಿಗೆ ಸಂಯುಕ್ತ ಸಹಕಾರಿಯ ಜಿಲ್ಲಾ ನಿರ್ದೇಶಕರು ಕೆಡಿಸಿಸಿ ಬ್ಯಾಂಕ್ ನ ಉಪಾಧ್ಯಕ್ಷರು ಸಹಕಾರಿ ಭಾರತಿ ರಾಷ್ಟ್ರೀಯ ಕಾರ್ಯಕಾರಣಿ ಸದಸ್ಯರಾದ ಶ್ರೀಯುತ ಮೋಹನ್ ದಾಸ್ ನಾಯಕ ಸರ್ ರವರು ಹಾಗು ಭಟ್ಕಳ ಸೌಹಾರ್ದ ಅಧ್ಯಕ್ಷರು, ಸಹಕಾರ ಭಾರತಿ ಜಿಲ್ಲಾ ಪ್ರಧಾನ ಕಾರ್ಯದರ್ಶಿಗಳು ಶ್ರೀನಿವಾಸ್ ನಾಯ್ಕ ಸರ್ ಅವರು ಸಹಕಾರಿಗೆ ಆಗಮಿಸಿದ್ದರು.ಸಹಕಾರಿಯ ಮಾನ್ಯ ಅಧ್ಯಕ್ಷರು ಆತ್ಮೀಯವಾಗಿ ಬರಮಾಡಿಕೊಂಡು 2025 ರ ಡೈರಿ ನೀಡಿದರು. ಈ ಸಂದರ್ಭದಲ್ಲಿ ವಿ ಕೆರ್ ಸೌಹಾರ್ದದ ಸ್ಟಿಫನ ,ಸುಪ್ರೀತ್ ಸೌಹಾರ್ದದ ಹೊರ್ಟಾ ,ಯಧುವೀರ್ ಸೌಹಾರ್ದ ದ ಶ್ರೀಕಾಂತ್ ನಾಯ್ಕ್ ಉಪಸ್ಥಿತರಿದ್ದರು. ನಮ್ಮ ಸೌಹಾರ್ದ ದಿಂದ ಮಾನ್ಯ ಅಧ್ಯಕ್ಷರಾದ ಜಿ ಜಿ ಸರ್ ನಿರ್ದೇಶಕರಾದ ಲಿಫರ್ಡ ಸರ್ ಜಿ ಆರ್ ಹೆಗಡೆ ಸರ್ ಪ್ರ ಕ ದಿಂದ ಜಿ ಮ್ ಮಹೇಶ ಶೆಟ್ಟಿ ಎ ಜಿ ಮ್ ಎಡ್ವಿನ್ ಸರ್ ಉಪಸ್ಥಿತ ರಿದ್ದರು.

25ನೇ ವರ್ಷದ ರಜತ ಮಹೋತ್ಸವ ವರ್ಷ ದ ಆಚರಣೆ

ಹೊನ್ನಾವರ ಶಾಖೆ ಹಾಗೂ ಪ್ರಧಾನ ಕಚೇರಿ ಯಲ್ಲಿ ಸೌಹಾರ್ದ ಸಹಕಾರಿ ಕಾಯ್ದೆ ಜಾರಿಗೆ ಬಂದ 25ನೇ ವರ್ಷದ ರಜತ ಮಹೋತ್ಸವ ವರ್ಷ ದ ಆಚರಣೆಯನ್ನು ಸೌಹಾರ್ದ ಸಹಕಾರಿಯ ದ್ವಜಾರೋಹಣ ಮಾಡುವ ಮುಖೇನ ಸೌಹಾರ್ದ ಸಹಕಾರಿ ದಿನಾಚರಣೆಯನ್ನು ವಿಶೇಷವಾಗಿ ಆಚರಿಸಲಾಯಿತು. ಸಹಕಾರಿಯ ಅಧ್ಯಕ್ಷರಾದ ಶ್ರೀ ಜಿ.ಜಿ ಶಂಕರ ಸರ್ ರವರು ಹಾಗೂ ಜಿ.ಎಂ ಮಹೇಶ ಶೆಟ್ಟಿ, ಎ ಜಿ ಎಂ ಎಡ್ವಿನ್ ರೆಬೆಲ್ಲೋ ಸರ್, ಚೀಫ್ ಮ್ಯಾನೇಜರ್ ವಸಂತ ನಾಯ್ಕ್ ಉಪಸ್ಥಿತರಿದ್ದು ಕಾರ್ಯಕ್ರಮವನ್ನು ನೆರವೇರಿಸಿಕೊಟ್ಟರು.

ಸೇಫ್ ಸ್ಟಾರ್ ಸೌಹಾರ್ದ ಮಂಕಿ ಶಾಖೆ ನೂತನ ಕಾರ್ಯಾಲಯ ಉದ್ಘಾಟನೆ

ಹೊನ್ನಾವರ ತಾಲೂಕಿನ ಮಂಕಿ ಪಟ್ಟಣ ಪಂಚಾಯತ ವ್ಯಾಪ್ತಿಯ ರಾಷ್ಟ್ರೀಯ ಹೆದ್ದಾರಿಗೆ ಹೊಂದಿಕೊಂಡು ಗೋಲ್ ಇಂಟರ್ ನ್ಯಾಷನಲ್ ಪಬ್ಲಿಕ್ ಸ್ಕೂಲ್ ಎದುರಿನ “ಮಾತೃಕೃಪಾ” ಕಟ್ಟಡದ 1ನೇ ಮಹಡಿಯಲ್ಲಿ ಸೇಫ್ ಸ್ಟಾರ್ ಸೌಹಾರ್ದ ಇದರ 11ನೇ ಶಾಖೆಯು ಲಕ್ಷ್ಮೀ ಪೂಜೆಯೊಂದಿಗೆ ಶುಭಾರಂಭವಾಯಿತು.

ಪ್ರಧಾನ ಕಛೇರಿಯಲ್ಲಿ ಪ್ರಗತಿ ಪರಿಶೀಲನೆ ಹಾಗೂ ವ್ಯಕ್ತಿತ್ವ ವಿಕಸನ ಕಾರ್ಯಕ್ರಮ

ಪ್ರಧಾನ ಕಛೇರಿಯಲ್ಲಿ ಎಲ್ಲಾ ಶಾಖಾ ವ್ಯವಸ್ಥಾಪಕರುಗಳಿಗೆ ಪ್ರಗತಿ ಪರಿಶೀಲನೆ ಹಾಗೂ ವ್ಯಕ್ತಿತ್ವ ವಿಕಸನದ ಬಗ್ಗೆ ಒಂದು ದಿನದ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿತ್ತು ಈ ಕಾರ್ಯಕ್ರಮದಲ್ಲಿ ಮಾನ್ಯ ಅಧ್ಯಕ್ಷರು ಸಾಲ ವಸೂಲಾತಿ ಹಾಗು ಸಾಲ ನೀಡುವಿಕೆ,ಉತ್ತಮ ನಾಯಕತ್ವ ಗಳ ವಿಷಯದ ಬಗ್ಗೆ ಉತ್ತಮ ಮಾರ್ಗದರ್ಶನ ನೀಡಿದರು. ಈ ಸಂದರ್ಭದಲ್ಲಿ ಸಹಕಾರಿ ನಿರ್ದೇಶಕರು ಪ್ರಧಾನ ಕಚೇರಿಯ ಅಧಿಕಾರಿಗಳು ಹಾಗೂ ಶಾಖೆಗಳಿಂದ ಆಗಮಿಸಿದ ವ್ಯವಸ್ಥಾಪಕರು ಉಪಸ್ಥಿತರಿದ್ದು ಕಾರ್ಯಕ್ರಮ ಬಗ್ಗೆ ಉತ್ತಮ ಅಭಿಪ್ರಾಯ ವ್ಯಕ್ತಪಡಿಸಿದರು.

ಪ್ರಧಾನ ಕಛೇರಿಯಲ್ಲಿ ಪ್ರಗತಿ ಪರಿಶೀಲನೆ ಹಾಗೂ ವ್ಯಕ್ತಿತ್ವ ವಿಕಸನ ಕಾರ್ಯಕ್ರಮ

ಇಂದು ಪ್ರಧಾನ ಕಛೇರಿಯಲ್ಲಿ ಕೋ-ಆರ್ಡಿನೇಟರ್, ಹಾಗೂ ಫೀಲ್ಡ್ ಆಫೀಸರ್ 2 ಗಳಿಗೆ ಸಂಬಂಧಿಸಿದಂತೆ ಪ್ರಗತಿ ಪರಿಶೀಲನೆ ಹಾಗೂ ವ್ಯಕ್ತಿತ್ವ ವಿಕಸನದ ಬಗ್ಗೆ ಒಂದು ದಿನದ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿತ್ತು ಈ ಕಾರ್ಯಕ್ರಮದಲ್ಲಿ ಮಾನ್ಯ ಅಧ್ಯಕ್ಷರು ಸಾಲ ವಸೂಲಾತಿ ಹಾಗು ಸಾಲ ನೀಡುವಿಕೆಗಳ ಬಗ್ಗೆ ಉತ್ತಮ ಮಾರ್ಗದರ್ಶನ ನೀಡಿದರು. ಈ ಸಂದರ್ಭದಲ್ಲಿ ಸಹಕಾರಿ ನಿರ್ದೇಶಕರು ಪ್ರಧಾನ ಕಚೇರಿಯ ಅಧಿಕಾರಿಗಳು ಹಾಗೂ ಶಾಖೆಗಳಿಂದ ಆಗಮಿಸಿದ ಕೋರ್ಡಿನೇಟರ್ ಫೀಡ್ ಆಫೀಸರ್ಗಳು ಉಪಸ್ಥಿತರಿದ್ದರು.

ಸೇಫ್ ಸ್ಟಾರ್ ಸೌಹಾರ್ದ ಶಿರಸಿ ಶಾಖೆ ನೂತನ ಕಾರ್ಯಾಲಯ ಉದ್ಘಾಟನೆ

ಶಿರಸಿ ಪಟ್ಟಣದ ಝೂ ಸರ್ಕಲ್ ಹತ್ತಿರ ಚೌಕಿಮಠದ "ಶ್ರೀಗುರುಪ್ರಸಾದ" ಕಟ್ಟಡದ 1ನೇ ಮಹಡಿಯಲ್ಲಿ ಸೇಫ್ ಸ್ಟಾರ್ ಸೌಹಾರ್ದ ಇದರ 5ನೇ ಶಾಖೆಯು ಸ್ಥಳಾಂತರಗೊಂಡು ಲಕ್ಷ್ಮಿ ಪೂಜೆಯೊಂದಿಗೆ ಶುಭಾರಂಭವಾಯಿತು.

ಸೇಫ್ ಸ್ಟಾರ್ ಸೌಹಾರ್ದ ಗೋಕರ್ಣ ಶಾಖೆ ನೂತನ ಕಾರ್ಯಾಲಯ ಉದ್ಘಾಟನೆ

ಗೋಕರ್ಣ ಗ್ರಾಮದ ಮೇಲಿನಕೇರಿ ಮುಖ್ಯರಸ್ತೆಯ ಕುಬೇರ ವಾಣಿಜ್ಯ ಮಳಿಗೆಯ 2ನೇ ಮಹಡಿಯಲ್ಲಿ ಸೇಫ್ ಸ್ಪಾರ್ ಸೌಹಾರ್ದ ಇದರ 3ನೇ ಶಾಖೆಯು ನೂತನ ಕಟ್ಟಡದಲ್ಲಿ ಲಕ್ಷ್ಮಿ ಪೂಜೆಯೊಂದಿಗೆ ಶುಭಾರಂಭವಾಯಿತು. ಸಹಕಾರಿಯ ಅಧ್ಯಕ್ಷರು ಶ್ರೀ ಜಿ. ಜಿ. ಶಂಕರ ನೂತನ ಕಟ್ಟಡ ಉದ್ಘಾಟಿಸಿ ಸಹಕಾರಿಯ ಗೋಕರ್ಣ ಶಾಖೆಯು ಇಂದು ನೂತನ ಕಟ್ಟಡದಲ್ಲಿ ಶುಭಾರಂಭಗೊಂಡಿದೆ.

ಸೇಫ್ ಸ್ಟಾರ್ ಸೌಹಾರ್ದ ಯಲ್ಲಾಪುರ ಶಾಖೆ ನೂತನ ಕಟ್ಟಡದಲ್ಲಿ ಶುಭಾರಂಭ

ಹೊನ್ನಾವರದಲ್ಲಿ ಪ್ರಧಾನ ಕಛೇರಿ ಹೊಂದಿರುವ ಜಿಲ್ಲೆಯ ಪ್ರತಿಷ್ಠಿತ ಸಹಕಾರಿ ಸಂಸ್ಥೆ ಸೇಫ್ ಸ್ಟಾರ್ ಸೌಹಾರ್ದ ಸಹಕಾರಿ ಸಂಘ ನಿಯಮಿತ ಇದರ ೬ನೇ ಶಾಖೆ ಯಲ್ಲಾಪುರ ಪಟ್ಟಣದ ಸಂಕಲ್ಪ ಎದುರಿನ ಎಲ್.ಎಸ್.ಎಂ.ಪಿ ಸಹಕಾರಿ ಸಂಕೀರ್ಣದ ೨ನೇ ಮಹಡಿಯಲ್ಲಿ ನೂತನ ಕಟ್ಟಡದಲ್ಲಿ ಸ್ಥಳಾಂತರಗೊಂಡು ಲಕ್ಷ್ಮೀ ಪೂಜೆಯೊಂದಿಗೆ ಶುಭಾರಂಭವಾಯಿತು. ಯಲ್ಲಾಪುರ ಶಾಸಕರಾದ ಶ್ರೀ ಶಿವರಾಮ ಹೆಬ್ಬಾರ್ ಅವರು ನೂತನ ಕಟ್ಟಡದ ಉದ್ಘಾಟನೆ ನೆರವೇರಿಸಿದರು. ಎಲ್.ಎಸ್.ಎಂ.ಪಿ ಇದರ ಅಧ್ಯಕ್ಷರಾದ ಶ್ರೀ ನಾಗರಾಜ ಕವಡಿಕೇರಿ ಅವರು ಭದ್ರತಾ ಕೊಠಡಿ ಉದ್ಘಾಟಿಸಿದರು.

ಸೇಫ್ ಸ್ಟಾರ್ ಸೌಹಾರ್ದ ಸಹಕಾರಿ ಸಂಘ (ನಿ) ಸರ್ವ ಸದಸ್ಯರ ಸಭೆ

ದಿನಾಂಕ 18-8-2024 ರಂದು ಹೊನ್ನಾವರದ ಮೂಡಗಣಪತಿ ಸಭಾಭವನದಲ್ಲಿ ಸೇಫ್ ಸ್ಟಾರ್ ಸೌಹಾರ್ದ ಸಹಕಾರಿ ಸಂಘ ನಿಯಮಿತದ ಸರ್ವ ಸದಸ್ಯರ ಸಭೆಯನ್ನು ಸಹಕಾರಿಯ ಅಧ್ಯಕ್ಷರಾದ ಜಿ ಜಿ ಶಂಕರರವರು ದೀಪ ಬೆಳಗುವ ಮೂಲಕ ಉದ್ಘಾಟಿಸಿದರು.

ಹಳದಿಪುರ ಶಾಖೆಯ 1ನೇ ವಾರ್ಷಿಕೋತ್ಸವ ಆಚರಿಸಲಾಯಿತು.

ಸಹಕಾರಿಯ ಹಳದಿಪುರ ಶಾಖೆಯು ಶುಭಾರಂಭಗೊಂಡು ಒಂದು ವರ್ಷ ಪೂರೈಸಿ ವಾರ್ಷಿಕ ಉತ್ಸವವನ್ನು ಸರಳ ರೀತಿಯಲ್ಲಿ ನಿನ್ನೆ ಆಚರಿಸಲಾಯಿತು. ಈ ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಸಹಕಾರಿಯ ಅಧ್ಯಕ್ಷರಾದ ಶ್ರೀ ಜಿ .ಜಿ.ಶಂಕರ್ ಸರ್ ಅವರು ವಹಿಸಿದ್ದರು. ಈ ಸಂದರ್ಭದಲ್ಲಿ ವ್ಯವಸ್ಥಾಪಕರು ಶಾಖೆಯು ಹೊಂದಿರುವ ಠೇವಣಿ 1.49 ಕೋಟಿ, ಸಾಲ 1.61 ಕೋಟಿ ನೀಡಿರುವುದನ್ನು ಹಾಗೂ ಪಿಗ್ಮಿ ಸಂಗ್ರಹಕರಣೆ, ಕೋರ್ಡಿನೇಟರ್‌ಗಳು ಸ್ವಸಹಾಯ ಸಂಘಗಳಿಗೆ ನೀಡಿರುವ ಸಾಲ, ಇತರೆ ಭದ್ರತಾ ಸಾಲಗಳು ಮತ್ತು ಶಾಖೆಯ ಒಟ್ಟಾರೆ ಪ್ರಗತಿಯ ವರದಿಯನ್ನು ಸಭೆಯ ಮುಂದಿಟ್ಟರು.

ಸಹಕಾರಿಯ 17ನೇ ಶಾಖೆಯ ಶುಭಾರಂಭ, ಸೊರಬ

ಸಹಕಾರಿಯ 17ನೇ ಶಾಖೆಯ ಶುಭಾರಂಭ, ಸೊರಬ (ಶಿವಮೊಗ್ಗ ಜಿಲ್ಲೆ), ದಿನಾಂಕ, 10.05.2024 .

ಗಣ್ಯರಿಗೆ ಸನ್ಮಾನಿಸಿದ ಕ್ಷಣಗಳು

ಮಾಹಾಲಕ್ಷ್ಮಿ ಕೋ ಆಪರೇಟಿವ್ ಉಡುಪಿ ಇವರು ನಮ್ಮ ಸಂಸ್ಥೆಗೆ ಆಗಮಿಸಿದಾಗ ಗಣ್ಯರಿಗೆ ಸನ್ಮಾನಿಸಿದ ಕ್ಷಣಗಳು.

ಕೋರ್ಡಿನೇಟರ್ FO-2 ಗಳ ಪ್ರಗತಿ ಪರೀಶಿಲನಾ ಸಭೆ.

ಪ್ರಧಾನ ಕಛೇರಿಯಲ್ಲಿ ನೆಡೆದ ಕೋರ್ಡಿನೇಟರ್ FO-2 ಗಳ ಪ್ರಗತಿ ಪರೀಶಿಲನಾ ಸಭೆ.

ಶಾಖಾ ವ್ಯವಸ್ಥಾಪಕರ ಪ್ರಗತಿ ಪರಿಶೀಲನಾ ಸಭೆ

ಪ್ರಧಾನ ಕಛೇರಿಯಲ್ಲಿ ನೆಡೆದ ಎಲ್ಲಾ ಶಾಖಾ ವ್ಯವಸ್ಥಾಪಕರ ಪ್ರಗತಿ ಪರಿಶೀಲನಾ ಸಭೆ.

ಹೊಸ ವರ್ಷದ ಕ್ಯಾಲೆಂಡರ್ ಅನಾವರಣ

ರಾಜ್ಯ ಸೌಹಾರ್ದ ಸಹಕಾರಿ ದಿನ ಹಾಗು ಹೊಸ ವರ್ಷದ ಕ್ಯಾಲೆಂಡರ್ ಅನಾವರಣ ಮಾನ್ಯ ಅಧ್ಯಕ್ಷರು ಹಾಗು ಪ್ರಧಾನ ಕಛೇರಿ ಹೊನ್ನಾವರ.

ತಾಲೂಕ ಸೌಹಾರ್ದ ಸಹಕಾರಿಗಳ ಕ್ಲಸ್ಟರ್ ಮಟ್ಟದ ಸಭೆ

ಉತ್ತರ ಕನ್ನಡ ಜಿಲ್ಲಾ ಹೊನ್ನಾವರ ತಾಲೂಕ ಸೌಹಾರ್ದ ಸಹಕಾರಿಗಳ ಕ್ಲಸ್ಟರ್ ಮಟ್ಟದ ಸಭೆಯನ್ನು, 27-11-2023 ಇಂದು ಹೊನ್ನಾವರದಲ್ಲಿ ಸೇಫ್ ಸ್ಟಾರ್ ಸೌಹಾರ್ದ ಸಹಕಾರಿ ಸಭಾಂಗಣದಲ್ಲಿ ಆಯೋಜಿಸಲಾಯಿತು. ಈ ಸಭೆಗೆ ಬಂದಿರುವ ಸಂಯುಕ್ತ ಸಹಕಾರಿ ಸನ್ಮಾನ್ಯ ನಿರ್ದೇಶಕರು ಹಾಗೂ ಉತ್ತರ ಕನ್ನಡ ಜಿಲ್ಲಾ ಡಿ.ಸಿ.ಸಿ.ಬ್ಯಾಂಕ್ ಉಪಾಧ್ಯಕ್ಷರಾದ ಮಾನ್ಯ ಶ್ರೀ ಮೋಹನ್ ದಾಸ್ ನಾಯಕ್ ಅವರಿಗೆ ಸಾಲು ಹೋದಿಸಿ ಗೌರವ ಸಮರ್ಪಣೆಯನ್ನು ಅರ್ಪಿಸಲಾಯಿತು. ಈ ಸಂದರ್ಭದಲ್ಲಿ ಉತ್ತರ ಕನ್ನಡ ಜಿಲ್ಲಾ ಸಂಪರ್ಕಾಧಿಕಾರಿಗಳಾದ ಶ್ರೀ ಸಂತೋಷ್ ಸರ್ ಗೆ ಗೌರವಿಸಲಾಯಿತು